वर्धा :  वर्ध्याच्या सेलसुरामध्ये एका चारचाकी गाडीचा भीषण अपघात झाला आहे. या अपघातात वैद्यकीय शिक्षण घेणाऱ्या सात विद्यार्थ्यांचा जागीच मृत्यू झाला आहे. हे सर्व सावंगी येथील दत्ता मेघे वैद्यकीय महाविद्यालयात शिकणारे विद्यार्थी होते.  त्यांच्या परीक्षा झाल्यामुळे आनंद साजरा करण्यासाठी  ते पार्टी करण्यासाठी ते देवळीवरून वर्ध्याला येत असताना हा अपघात झाला. या विद्यार्थ्यांच्या कुटुंबियांवर दुःखाचा मोठा डोंगर कोसळला आहे .