news-details
राजकारण

पवारांच्या घरावरील हल्ल्याला भाजपाची फूस असल्याचा शिवसेनेचा आरोप;

राष्ट्रवादी काँग्रेसचे राष्ट्रीय अध्यक्ष शरद पवारांच्या घरासमोर शुक्रवारी एसटी कर्मचाऱ्यांनी केलेले आक्रमक आंदोलन पूर्वनियोजित असल्याचा पोलिसांना संशय आहे. आंदोलनापूर्वी त्यांच्या बंगल्याची पाहणी करण्यात आल्याचे सीसीटीव्ही चित्रीकरणाच्या तपासणीत निष्पन्न झाले आहे. त्यानुसार चार आंदोलनकर्त्यांना गावदेवी पोलिसांनी कट रचल्याप्रकरणी आझाद मैदानातून शनिवारी रात्री अटक केली. या प्रकरणामध्ये आंदोलनकर्त्यांचे वकील गुणरत्न सदावर्ते यांनाही शुक्रवारी अटक करण्यात आली. या प्रकरणामध्ये न्यायालयाने १०९ आरोपींना १४ दिवसांची न्यायालयीन कोठडी सुनावली आहे. असं असतानाच आता शिवसेनेने या आंदोलनाला भारतीय जनता पार्टीची फूस असल्याचा आरोप केलाय. गुणरत्न सदावर्ते यांना भाजपा पाठिंबा असल्याचा आरोप करत शिवसेनेनं विरोधी पक्षावर हल्लाबोल केलाय.

  • Tags
  • #

You can share this post!

0 Comments

Leave Comments